LAC IARIVO : Mitohy ny Fanesoana sy famitahana ny Vahoaka Malagasy
Manoloana izao fahantran’ny Vahoaka Malagasy izao dia mbola manana fahasahiana hatrany ny Mpitondra hampiasa ny volam-bahoaka amin’ny rendrarendra sy ny fisehosehoana ary ny fahafinaretan’ny maso.
Hanamboatra ny Lac Iarivo izay toerana fialam-boly sy fitsangatsanganana ao Antananarivo ary handaniana volam-bahoaka amina miliara maro indray ny Fitondrana tarihin’Andriamatoa Andry Rajoelina.
Raha ny rariny sy ny hitsiny ary ny ara-dalàna dia tokony hampiasaina amin’izay tena ilaina sy laharam-pahamehana ho an’ny Vahoaka ny volam-panjakana.
Raha ny zavamisy tena iainan’ny Vahoaka Malagasy ankehitriny dia maro ireo laharam-pahamehana tokony hampiasana ny volam-panjakana : ny Làlana, ny Rano, ny Jiro, ny Fanabeazana, ny Fahasalamana, ny Fandriam-pahalemana, ny Karama, ny vidim-piainana, ny tsy fananan’asa, ny Fotodrafitr’asa ho an’ny Fambolena, sy ny sisa tsy ho voatanisa.
Tsy laharam-pahamehana ho an’ny olona noana sy tsy salama ary sahiran-tsaina amin’ny olana maro samihafa sy ny fahantrana tsy mety afaka amin’ny fiainany andavan’andro ny hitady rendrarendra sy ny fialam-boly ary ny fahafinaretan’ny maso maro samihafa.
Tsy manana Zo hampiasa ny volam-panjakana izay volam-bahoaka amin’izay itiavany azy sy ny mahafinaritra azy ny Mpitondra fa manana adidy kosa izy hijery izay tena ilaina sy mahasoa ny Vahoaka
Ho an’ny Mpitondra mahay sy tena mitsinjo ny Vahoakany dia NY MAHASOA ALOHA VAO NY MAHAFINARITRA no tokony hibaiko ny asa rehetra atao.
Mahamenatra ny maheno an’Andriamatoa Andry Rajoelina milaza fa hitondra fampandrosoana ho an’ny Firenena ny fanamboarana fotodrafitr’asa toy io Lac Iarivo io. Ny fandaniana ny volam-bahoaka amin’ny fanamboarana fotodrafitr’asa tsy mamokatra toy ireny no anisan’ny tsy mampandroso ny Firenena Malagasy ary manaporofo fa tsy mahay ary tsy mieritreritra ny fampandrosoana an’i Madagasikara mihintsy ny Mpitondra ankehitriny.
Manaporofo indray izao fihazakazahan’Andriamatoa Andry Rajoelina hanamboatra toerana fitsangatsanganana sy fanomezana fahafinaretana ho an’ny maso izao fa tsy mahafantatra na tsy te-hahalala sy tsy miraharaha ny fahasahiranan’ny Malagasy ny Mpitondra ankehitriny.
Satria tsy mahita vahaolana intsony hampihenana ny fahantran’ny Vahoaka Malagasy ny Mpitondra ankehitriny dia atao izay fomba rehetra hanomezana fahafinaretana sy hahavariana ny Vahoaka mba hanadinoany mandritra ny fotoana fohy ny fahasahiranana sy ny fahantrana iainany.
Tsy rariny sy famitahana ary fanaovana tsinontsinona ny Vahoaka izao fandaniam-bolam-panjakana amin’ny fotodrafitr’asa tsy laharam-pahamehana sy tsy mamokatra toy izao.
Fihantsiana sy fanesoana ary fanaparam-pahefana izao ataon’ny Mpitondra izao manoloana ny fahantran’ny Vahoaka sy ny Fahasahiranan’ny Firenena.
TSY MENDRIKA, TSY RARINY ARY TSY ARA-DALANA.
Siteny Randrianasoloniaiko
4740.65 ar
4164.81 ar
Efa mirodana be i neny (Gasikara io) ; aleo hividianana lay atin’akanjo tendance sy lafolafo e.
Vrai de vrai
Dia mbola mamerina ihany aho hoe, ny moteran’ny fiara no simba dia ny mandoko sy manolo jantes alu azy no handaniana vola. Ny mahagaga dia manaiky izany fandanianiam-poana izany ny tompon’ny fiara.
Jadis, au nom du développement de la capitale, la majorité parlementaire cautionna l’emprunt pharaonique pour des téléphériques (à l’exception de Brunel, fa lasa aiza ary i zoky?). Or, dans leurs fiefs électoraux, l’asphalte demeure une chimère pour la plupart. Aujourd’hui, ces coûteux téléphériques sont inertes.
Le pays est dirigé par une secte. Et comme dans toutes les sectes , le gourou a une emprise psychologique totale . Mais en général , la secte disparaît après que son gourou “disparaît” .
une manicure pour un mourant